Idiazabalgo Herri Krosak bere XXXIII. edizioa ospatu zuen pasa den igandean. Festen lehengo asteburuan ospatzen den kirol proba honetan, Euskal Herrko txoko ezberdinetatik etorritako ia 1000 gizon emakumek parte hartu zuten.
Umeen frogan 300 izan ziren parte hartu zutenak. Helduen kategorietan, berriz, 639 parte hartzaile izan ziren, eta guztiek ibilbide guztia egin zuten helmuga zapadu gabe gelditu ziren 10 pertsonak ezik.
Hemen dizutue kategoria bakoitzeko irabazleen izenak:
Julen Goia idiazabaldarra, Biarritz Olympique Pais Basque taldeko eta Euskal selekzioko jokalaria hautatua izan da otsailean jokatuko diren IRB sevens World Seriesetako bi probetan parte hartzeko. Bi zita hauek, lehena otsailaren 1 eta 2an Wellingtonen, Zelanda Berrian eta bigarrena otsailaren 8tik 10era Las Vegasen, Estatu Batuak, jokatuko dira.
Esan beharra dago Serie hauek 9 zita dituztela mundu guztian zehar eta munduko zapiko hamasei talde hoberenek hartzen dutela parte.
Zirika Irratitik Julen zoriondu eta zorterik onena opa diogu.
Otsailaren 2an, larunbatez, arratsaldeko 17:30etan hasita Idiazabalgo Igarondo pilotalekuan jokatuko diren profesional mailako pilota partidara joateko sarrerak salgai egongo dira datozen egunetan. Bengoetxea – Beroiz bikotea Gozalez – Zubietaren aurka arituko da pilotan.
Sarrerak urtarrilaren 22 eta 23an egongo dira salgai, Idiazabalgo udaletxeko areto nagusian, arratsaldeko 16:00etatik 18:00ak bitartean.
Gari Garmendia idiazabaldarrak, gaur arratsaldean Donostiako Belodromoan jokatu den Gipuzkoako Pisu Jaurtiketa txapelketa irabazi du eta honez gain errekor berria jarri du kadete mailan.
4 kiloko pisua jaurti du 15,52 metrotara, orain arte Erkidego Autonomoan ezarritako distantzia handiena.
Zorionak Gari!
Urtero bezala, mendiko federatu txartela berritu edo lehen aldiz egiteko aukera eskaini du Idiazabalgo Kirol Elkarteko Mendi Sailak. Txartel horren bitartez, mendian ibiltzeko aseguru berezia egiten da eta Mendizale Federazioak eskaintzen dituen zenbait zerbitzu erabiltzeko aukera dago (ikastaroak, mendi aterpeetan tarifa merkeagoak…).
Mendi Saileko kideak txartel hori tramitatzeko eta behar diren argibideak emateko Bikario etxean egongo dira abenduaren 26 eta 27an, iluntzeko 19:30etatik 20:30etara bitartean.
Bestalde, datorren urtean ibilaldi batzuk prestatzeko interesa dutnentzako bilera bat ere izango da hurrengo astean, urtarrilaren 3an, arratsaldeko 19:00etan.
Idiazabalgo Errealaren Lagunak lagunarteak urtero bezala denboraldiko jokalari onenaren saria eman zuen. Aurten, David Zurutuza izan da idiazabaldarren saria jaso duena, eta astearte arratsaldean Idiazabalen izan zen, Axari Elkartean, lagunartearen egoitzan. Ekitaldian herriko hainbat realzale bildu ziren.
Kurtso berria hasteko, irailaren 1ean, larunbat honetan, Triatloi txapelketa egingo da Idiazabalen. Gazte Asanbladak antolatu du kirol froga hau. Frogaz gain, eguna osatzeko bestelako ekintzak ere antolatu dituzte gaztetxekoek.
Arratsaldeko 18:30etan hasiko da Triatloi froga Igarondo igerilekuan. Parte hartzaileek, hiruna pertsonako taldeetan egin beharko dute, eta kide guztiek froga guztiak egin beharko dituzte. Izen-ematea, taldeko 15 euro kostako da. Saioa amaitutakoan, sari banaketa egingo da plazan marka onena egiten duten lehen hiru taldeek jasoko dituzte sariak.
Sari banaketaren ondoren, plazan bertan kontzentrazio bat egingo da, Gazte Asanbladatik azaldu dutenez Altsasuko gazteei elkartasuna adieraztea izango da elkarretaratzearen helburua “Espainiako erregearen parodia egin zutenetik jasaten duten errepresioa eta kontrol poliziala salatzeko”.
Behin kontzentrazioa amaituta, plazan bertan sardinak jateko eta sagardoa edateko aukera izango da. Ondoren, jaten jarraitzeko aukera izango da IGAk antolatu duen afarian. Afarira joateko, Gaztetxean eman behar da izena.
Eguna borobiltzeko, Working Boys taldearen kontzertua izango da Gaztetxean.
- IBILBIDEA: Triatloia Idiazabal 2012 IBILBIDEA
- EGITARAUA:
18:30 Triatloia Igarondo igerilekuan hasita
Ondoren sari banaketa herriko plazan
Ondoren Altsasuko gazteekin elkartasunez kontzentrazioa
Ondoren sardina jana eta sagardoa
Ondoren afaria plazan
Ondoren Workin Boys taldearen kontzertua Gaztetxean
Azken bi hilabete hauetan, astebururo jokatu dira Idiazabalen Pala txapelketaren barruan partidak. Zapatu honetan izango du amaiera txapelketa honek.
Bi izaldarren ekimenez antolatutako txapelketa honetan, Euskal Herri osoko parte hartzaileak aritu dira palan jokatzen Igarondo pilotalekuan.
Goizeko 10:30etan hasiko da finala Igarondon. Lehenengo partidan, lehen mailakoak arituko dira eta bigarrenean, berriz, bigarren mailako palariak.
Xabier Aranburu ‘Guzta’, idiazabaldarrak, poltsiko bete lan dabil azkenaldian. Izan ere, harriak jasotzera eman dionetik ez zaio hainbat plazatarako deirik falta. Herriz herri dabil mutila. Oraingoan erronka berri bat du. Bihar igandea, ekainaren 17an, Urrestillan egingo du 200 kiloko harriarekin ahalegina. 12:30ean izango da, bertako pilotalekuan.
“Cenci Racing Onboard” gotibeherak zaptu honetan Idiazabalgo txapelketan grabatutako bideoa.
zirikairratia.wordpress.com 