Festak dataz aldatzeko asmoz firma bilketa egiten ari dira hainbat izaldar

Sanblas jaietan, nagusiki, eguraldi txarra egiten duela eta, herritar talde batek Idiazabalgo festak negua ez den beste urtaro batean ospatzeko firma bilketa hasi du.

Herriko taberna eta komertzioetan jarri dituzte sinadurak biltzeko paperak, ekimenarekin bat egiten dutenek babesa adieraz dezaten. Paperean dionez, beraien asmoa ez da San Blasak erabat kentzea, baina herriko festak beste urtaro batean antolatzeko eskatzen dute.

Orain del aste pare bat, ekimen honi buruzko idea nola sortu zen kontatu zigun herritar batek ZIRIKA IRRATIAn. Irratsaioa entzuteko kilkatu hemen.

 

Hilerriaren aurpegi berria

Egun hauetan, Idiazabalgo hilerriko fatxadaren aurpegia garbitzen ari dira Udaleko langileak. Azkeneko urteetan, bazterretako bi dorretxoak zuri kolorea nahikoa galduta zuten. Kolore berria eman nahi izan diote Idiazabalgo kanposatuari oraingoan, eta aukeratutako berde deigarriak zeresana eman du herrian.

ZIRIKA IRRATIAn zure iritzia ezagutu nahi dugu.

Zirika Irratiaren denboraldi berria prestatzeko lanean ari gara

Zirikazaleok,

Dagoeneko lantalde osoa buru belarri lanean ari gara Zirika Irratiaren kurtso berriko denboraldia prestatzen.

Aldaketa batzuk jada egin ditugu, gure webgune honen mantxeta berria esaterako. “Zirika irratie, garbittu belarrie” izango da kurtso honetako gure promozio kuña.

Irratsaioan ere hainbat aldaketa egiteko asmoa dugu, eta guzti hori prestatzen ari gara etenik gabe, denboraldi berrian gure entzuleei onena eskaintzeko.

Interneteko atari hau ere gero eta gehiago osatu nahian gabiltza. Irratsaioetako atalik garrantzitsuenak, bertatik entzuteko aukera izango duzue, eta irratia online entzuteko ere lanean ari gara.

Atal berriak, esatari berriak, irudi berria; nobedade ugari izango ditu Zirikak.

Klikatu hemen kuña berria entzuteko.

Zirika irratiari buruzko kale-inkesta

Zirika Irratia entzuten ote duzuen edo ez jakiteko, eta irratiari buruz duzuen iritzia ezagutzeko kalera irten gara. Hona hemen jasotako erantzunak:

• Vanessa Imaz / Irakaslea

“Aizan, nik besteek etzeiñat; baño nik astero-astero aitzeiñat, ta asko gustatzen zatan!”

“Mundiala den, probau beharrekoa.”

• Jonathan Iparragirre eta Sheila Mujika / Erretiratua eta “azafata”

S.M.: “Ba nik hasieran ez neuken jartzeko ohitturaik, baino “Jonny” zapatu iguerditan jartzen hasi zan. Beai okurrittu zikon! Ta harrezkeo astero aitzen deu. Gustoago sentitzen geala esan daike.”

J.I.: “Bai, ikearri gustora eoten gea biok hoixe aitzen. Alde earren pasatzen deu zapatu atsaldea. Lehiaketa re hotseitten deu. Gauetan e, noizipeñen jarri eitten deu.”

S.M.: “Eskerrikasko Zirika Irratia!”

• Kevin Intxausti / AMPOko langilea

“Bueno, egie esateko nik laneakon bakarrik jartzen det. Euskadi Gazteakin nazkau ein giñen ta lankide bat hasi zan Zirika jartzen.”

“Tailerreko errendimendue asko igo da orduzkeo! Musika mundiala eotea ta gustorago lan eitten deu!”

• Josuah Garmendia / Kirolaria

“Zelaak kiroldegin beti eukitzen det Zirika jarrita entrenatzen ai naizenen.”

“Behin dutxatan gerela komentau ziaten berriz martxan zala, ta iñoiz baño hobeto jokatzen det Zirika Irratie aittuz! Notau eitten da. Korrika eittea juten naizen´e kaskotatik Zirika aitzen juten naiz. Korritzen gehio irauten det.”

Etxebizitza beharrak aztertzeko inkesta egingo du Guardi Gain S.A.k

Egun hauetan banatu dute etxe tasatuen beharrei buruzko inkesta hau etxeetara.

Herritarrek etxebizitza arloan dituzten eskaera eta nahiak aztertzeko, Aldaizeren azken alearekin batera inkesta bat bidali du udalak etxe guztietara. Udalak etorkizunean egin beharreko etxebizitza promozioak nolakoak izan beharko luketen definitzea da asmoa.

Udalak, Guardi Gain enpresaren bidez , Zepai auzoan prezio tasatuko 18 etxebizitza egiteko orube bat dauka, eta egin beharreko etxebizitza horiek ze motatakoak izan beharko luketen erabakitzeko jaso nahi da herritarren iritzia.

Inkesta beteta aurkezteko epea abenduaren 31an amaitzen da.

• Etxebizitza tasatuei buruzko inkesta.

ZIRIKA IRRATIAn ere gure inkesta propioa egin nahi izan dugu gai honen inguruan:

Kale Nagusiko trafiko arazoen aurrean neurriak hartuko ditu Udalak

Idiazabalgo udalak, Kale Nagusian sortzen diren trafiko arazoak direla eta neurriak hartzeko asmoa du. Hornitzaileen karga eta deskarga gunea jarriko da eta herritarrei ohiturak aldatzeko dei egin die.

Agenda 21 Foroan, betidanik egon da kaleko trafiko arazoei buruzko eztabaida. Azkenaldian, foroan arazoa areagotzen ari dela baloratu dute, eta udalak egoera honen aurrean irtenbideak bilatzeko asmotan ari da.

Udalak, herritar askok Xume paretik ia plazaraino autoa kaminoaren erdian aparkatuta uzteko duten “ohitura txarra” kentzeko asmoa du. Horretarako, eta ohitura aldatu nahian karga eta deskargarako eremua ezarriko da. Ondorioz, Kale Nagusiko 9. zenbakia duen bloketik aurrera goizeko 9etatik eguerdiko ordubiak bitartean, dendetako hornitzaileek baino ezingo dute aparkatu. Beraz, ez da onartuko kafea hartu, ogia etostera joan edo dirua ateratzeko kotxea bidean uztea.

Neurri berri honekin hobekuntzarik sumatu ezean, Udalak Ertzaintzarekin hitzarmena sinatzeko urratsak emateko prest dagoela ere jakinarazi du.

Liburutegi berriari buruzko bigarren bilera egingo da bihar osteguna

Kultur etxe zaharraren beheko solairuan kokatuko den liburutegi berria nolakoa izan behar duen zehazteko bilera egingo da bihar osteguna, arratsaldeko zazpietan udaletxean.

Lanak hasi aurretik, eraikina hustu zuten eguneko irudia.

Udalak liburutegi berriaren egituraz eta funtzionamenduaz herritarrek duten iritzia ezagutu nahian, bilera deitu du. Lehengo bilera urtarrilaren 27an egin zen, eta bigarrena bihar, otsailak 18, egingo da arratsaldeko 19:00etan.

Lehen kultur etxea izandako eta orain udaletxea eta liburutegia hartuko dituen eraikineko lanak laster bukatzea espero da.Liburutegia lehen ere eraikin horretan zegoen, baina orain kokapen desberdina izango du. Eraikinaren beheko partean ezkerraldean jarriko dute, gaztetxea izandako zatia zein ondokoak hartuko dituelarik. Guztira 127 metro karratu izango ditu.

Udalak liburutegi berriak izan behareko funtzionanemendua zein izan beharko lukeen, espazioa nola antolatu beharko litzatekeen eta beste hainbat gai zehazteko herritarrek duten iritzia ezagutzeko asmoz deitu ditu bilerak.

Etxegarateko peajeaz hitz egingo dugu Zirikaren lehen irratsaioan

Zapatu honetan, beste hainbat gairen artean Diputazioa Etxegaraten jartzea aztertertzen ari den peajeaz hitz egingo dugu Zirikan.

Egunero Etxegarateko gainetik, 20mila ibilgailu pasatzen omen dira, horietatik 9000 kamioiak. Peajea kobratzeko neurria hartuz gero, 4200 ibilgailu gutxiago ibiliko direla dio aldundiak egin duen azterketak.

Gai honi buruz jakin beharrekoak gerturatuko dizkizugu eta hainbat gonbidatu izango dira Zirikan gaiaz hitz egiteko.

Etxegaraten peajea jartzeak, gutxi edo gehiago eta era batera edo bestela izaldar denoi eragingo digu. Zure iritzia ezagutu nahi dugu.

Erantzun gure inkesta eta utzi zure iruzkinak!

SANBLASETAKO EGITARAUA PRIMIZIAN!!!

Sanblasak atejoka ditugu konturatzerako. Zirika Irratiaren webgunean, primizian duzue aurtengo festetako egitarua. Paella, goitibeherak, Joselu Anayak… betiko osagaiak ez dira faltako festarako errezetan.

SAN BLAS 2010 EGITARAUA

Urtarrilak 30, larunbata

• 20:00 Txistulari alardea Zelaako kiroldegian

Urtarrilak 31, igandea

• 10:45  Idiazabalgo XXX. Herri krosa

10:45 Benjaminak, alebinak eta infantilak
12:00 Kadete eta helduak

• 17:00 Umeen danborrada
• 18:30 Bertso Trama pilotalekuan: Amets Arzallus, Andoni Egaña, Aitor Sarriegi eta Jon Maia bertsolariak eta Josu Goikoetxea aurkezle lanetan. Autodeterminazioaren Aldeko Idiazabalgo Herri Ekimenak antolatuta. Sarrerak salgai herriko tabernetan

Otsailak 2, asteartea, Kandelari Eguna

• 19:00 Kandela bedeinkazioa, txupinazoa, pregoia eta Axariaren jeitsiera. Ondoren buruhandiak

Otsailak 3, asteazkena, San Blas eguna

• 10:00 Txistularien kalejira
• 12:00 Herriko txirrindulari proba eta paella prestatzen hasiko dira Arretxe elkarteko kideak herriko plazan
• 14:00 Paella jateko aukera. Txartelak 2 eurotan salgai.

• 17:00 Incansables Txarangarekin kalejira
• 17:30  Pirritx, Porrotx eta Mari Motots pilotalekuan
• 21:30 Herri afaria herriko plazan

Otsailak 4, osteguna

• 11:30 Ohiko hamaiketakoa herriko plazan
• 12:00 Sebastian Lizaso eta Andoni Egaña bertsolarien saioa herriko plazan. Arratsaldean Atxurbide elkartean jarraituko dute
• 17:30 Herriko gazteen pilota txapeketako finalak
• 19:00 Herriko futbito txapelketako finalak i.g.ak antolatuta
• 18:30-21:00 Joselu Anayak
• 23:00-2:00 Joselu Anayak

Otsailak 5, ostirala, Mozorro Eguna

• 10:30-13:00 Puzgarriak eta gorritire animaliak Zelaako kiroldegian
• 16:30-18:30 Puzgarriak zelako kiroldegian
• 23:30 Helduen danborrada eta mozorroak, ondoren Trikizio musika taldea

Otsailak 6, larunbata

• 11:00 Herri mailako plater hausketa Olaberriako tiro kanpoan
• 12:30 II. Patata tortilla lehiaketa
• 15:30  X. Goitibehera txapelketa IGAk antolaturik

• 18:00-21:00 Egan musika taldea
• 23:00 Idiazabalgo musika taldeen jaialdia frontoian
• 23:00-2:00 Egan

Otsailak 7, igandea

• 10:00-11:30 Probintzia arteko bola txapelketa
• 12:30 Herriko dantzarien erakustaldia
• 17:30 Herri kirolak kuadrilla artean, Igarondo pilotalekuan
• 19:00 Taloak  eta sagardoa  herriko plazan
• 18:30-22:00 Axariaren igoera eta Joselu Anayak

Inkestak