Bihar ZIRIKA IRRATIAn festetako saio berezia eskainiko dizuegu. Eguerdiko ordubatean hasita, aurtengo festen programari errepasoa egingo diogu FM 98.9an.

Alde batetik, Dani Oiarbide kultura zinegotziarekin, Festa Batzordeak izan duen martxaren inguruan eta  aurtengo sanblasetarako antolatu diren ekitaldiei buruz hizketan arituko gara.

Bestalde, 2012ko sanblasetan Idiazabalgo Dantza taldeek protagonismo berezia izango dutela eta, Antton Irizar, Axari dantza taldeko sortzaileetako batekin izandako tertulia ere entzungai izango duzue.

Abenduan Idiazabalgo Aita Iparragirre Herri Eskolako umeek Zirika irratian grabatu zuten irratsaioa entzuteko aukera duzue internet bidez.

Ondorengo link-ean klikatuta entzun dezakezue eskolaumeen irratsaioa:

• Aita Iparragirre informazio zerbitzuak

Idiazabalgo biztanle kopuruak, azken urteotan etengabe gora egiten jarraitzen du. Gainera, zer esanik ez dago azken urteetan izaten ari den jaiotza tasaren igoerarekin.

Erroldako datuen arabera, 2011 urte amaieran 2.280 biztanle zituen Idiazabalek, 2010eko azken egunean baino 19 pertsona gehiago. Erroldatutakoen artean, 2011 bukaeran, 1.124 emakumezkoak ziren, eta 1.156 gizonezkoak.

Bost urteko tarteetan, gehiengoa 30 eta 34 urte bitarteko izaldarrak dira, 221 guztira.  Nabarmentzekoa da, adin tarte horretan 129 gizonezkoa daudela, eta 92 emakumezko, biztanle-piramidean ikusten denez, aldea nabarmena da.

Jakina denez, biztanle kopuru gutxiengoa duen taldea 85 urtetik gorakoak dira (64 herritar), dena den, 15 eta 19 urte bitartekoak 9 gehiago baino ez dira.

Deitzaileen esanetan “urtarrilaren 7koa kolosala izan zen, baina oraindik espainiar estatuak presoen gaian ez du pausurik emateko borondaterik azaldu”. Hori dela eta elkarretaratzera joateko dei egin dite izaldarrei.

Antolatzaileek ZIRIKA IRRATIAri jakitera eman diotenez, iaz 180 umek eman zuten izena eta aurten 220 izango dira danborrada honetan parte hartuko dutenak. Umeentzako nahikoa jantzi ez dagoela eta, Lazkaotik arropak ekarri beharrean izan dira antolaketa lanetan dabiltzanak.

Helduen Danborrada otsailaren 3an

Umeen Danborradaren ondoren, otsailaren 3an, helduen txanda izango da.

Helduen Danborradarako izen-emateak irekita jarraitzen du. Parte hartzeko asmoa duten konpainiek, urtarrilaren 31a baino lehen eman beharko dute izena.

Afarira joateko asmoa dutek ere egun horretarako 10 euro balio duen txartela erosi beharko dute Xume tabernan.  Afaria Guraso Elkarteko lokalean izango daeta ondorengoa duzue menua: arrai zopa, redondoa saltsan, ijito besoa eta kafea.

Axari eta Arkaitz dantza taldeez gain, aurretik Idiazabalen izandako dantzari eta dantza saioen berri ere jasoko dute erreportaje honetan.

Horrez gain, Hizketan ataldean, Joakin Ariztimuño elkarrizketatu dute, egurra mozteko sasoien inguruan aritu dira hizketan berekin.

Kirolen tartean, Joao Cuña kenpo irakaslen den idiazabaldarrarekin izan dira Aldaizekoak.

Programa ofizialean agertzen ez bada ere, zapatu honetan hiru musika taldek kontzertua emango dute Idiazabalgo Gaztetxean, beraz, festa ziurtatuta dago.

Kaleko Urdangak, Red Distric eta Brutal Calling taldeak gaueko hamaiketatik Gaztetxeko oholtzan izango dira.

Biharko “Asteko ta behin” irratsaioan, festa giroan sartzen hasiko gara. Datorren astean Idiazabalen izango den Star Blues eta Zea Maysen kontzertua dela eta, Jon Barreros, Idiazabalen bizi den Star Blues taldeko kidea elkarrizketatuko dugu. Bestalde, lehiaketaren atalean, kontzertu honetara joateko bi sarrera zozketatuko ditugu.

Horrez gain, ohiko atalek ere izango dute tartea biharko irratsaioan. Gogoratu, eguerdiko ordubatean hasita FM 98.9an.

Programa ikusteko klikatu irudiaren gainean.